Monday, October 27, 2008

Suno Qismat se ladne ki

Suno Qismat se ladne ki
Kabhi koshish nahi karte

Muqaddar jab mukhalif ho
Duaain be-aser jayen
Sabhi manzar bikher jayen
To aise main baghawat ki
Kabhi koshish nahi karte

Kisi ke saath chalne ki
Kisi ke Dil main basne ki
Kabhi khuwahish nahi karte

Kisi ek shakhs ki khatir
Sabhi se door ho jaana
Kahan ki yeh Mohabbat hai?
Mohabbat yeh nahi hoti
Mohabbat Dil main hoti hai

Mohabbat aks hai RAB ka
Kabhi yeh mar nahi sakti
Hamesha saath rehti hai
Hamesha saath chalti hai

Mile jo humsafar tum ko
Us hi ke saath chalna tum
Usse dharkan bana lena
Usey Dil main basa lena
Mager Qismat se larrne ki
Lakeron se ulajhne ki
Kabhi koshish nahi karte

No comments: